Inter i sigurt që do t’i mbajë dyshen Lautaro dhe Sanchez

20:36 | 18 Qershor 2020
Arbresh Info

Inter beson se edhe në sezonin e ardhshëm do jetë me dy sulmuesit Lautaro Martinez dhe Alexis Sanchez.

Sipas Sky Sport Italia, ka vetëm dy mënyra që Barcelona mund ta transferojë Martinez-in nga “San Siro”, transmeton portali arbresh.info.

E para është t’ia paguajë klauzolën e 111 milionë eurove, kurse e dyta që të paguajë 90 – 95 para kesh plus një lojtar që do e zgjedh Inter-i.

Thuhet se kjo situatë nuk i përshtatet klubit katalunas dhe argjentinasi do mbetet te Inter-i.

Pos tij, “Neurazurët” janë duke punuar që t’ia vazhdojë huazimin Alexis Sanchez ose ta kompletojnë transferimin nëse arrijnë marrëveshje me “Djajtë e Kuq”.

31-vjeçari shkaku i lëndimeve nuk ka arritur të gjejë formën më të mirë, kurse kontrata me United i skadon në qershor të vitit 2022./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm